Nidhi Sex story-5

“Main uska pati hu, itne saal hum sath rahe hain.uske dil ki baat samajhne ke liye mujhe kisi zubaan ki zarurat nahi.”

“Apna saaman taiyyar rakhna, hum kal hi yaha se nikal jayenge. Aur haa 1 bahut aham baat sun lo. Main aaj bhi tumhe apni bahu nahi maanta, bas apni patni ki behtari ke liye tumhe waha le ja raha hu.aur tum bhi bas 1 nurse ki haisiyat se waha ja rahi ho. Meri puri biradari ya jaan-pehchan me koi bhi Rakesh ki shadi ya tumhare wajood se wakif nahi hai. To tum jab tak is raaz ko apne seene me dafan rakhogi waha rahogi.”

Koi aur mauka hota to Nidhi unhe bahar ka rasta dikha deti par aaj Surendra Thakur ke roop me bhagwan ne use musibat se bahar nikalne ka zariya bhej diya tha.

“Mujhe aapki baat manzoor hai par aapko apne bete ki 1 galati sudharni hogi…aur Rakesh ki maut ke peechhe zarur koi raaz tha ,aapko us raaz ka bhi pata lagana hoga.”

“Saaf-2 baat karo, paheliyaan mat bujhao.”

Aur Nidhi ne unhe puri baat bata di. Surendra ji ko uski baat pe yakeen nahi hua par jab dusre din wo uske sath bank gaye to unhe yakin karna hi pada.

“Mr. kakkar, main nahi chahta ki mere guzre hue bete ko koi dhokhebaaz ke roop me yaad kare.”, unhone apna visiting card coat ki jeb se nikala aur uspe kuchh likha, “ye mera card hai aur ispe mere ghar ke phone nos. bhi maine likh diye hain. Aap mujhe account no. dijiye, kal hi usme 4 lakh rupaye jama ho jaayenge.”

“Ok, mr. Thakur.”, kakkar ne card liya aur hasrat bhari nigah Nidhi pe dali.

Sham dhale Ramnagar ki us posh colony jiska naam civil lines tha,me 1 car dakhil hui 1 kurane magar shandar bungle ke samne aakar ruk gayi. Car me se Surendra Thakur aur Nidhi utre to andar se gate khol 1 buzurg sa aadmi bahar aaya. Nidhi samajh gayi ki yahi darshan hai yani dadda.

“Ye sumitra ki nayi nurse Nidhi hain, Darshan, inhe inka kamra dikha do.”

“Aaiye.”, Darshan jaise use dekh khush nahi hua tha.

Kamre me saman rakh darshan bahar jane laga to Nidhi ne use aavaz di, “Dadda!”

darshan chaunk kar ghuma,”tumhe kaise pata ki mujh se chhote mujhe dadda bulate hain? Tum to abhi-2 aayi ho.”

Nidhi sakpakayi par usne sambhalte hue paas ke shelf pe rakhi 1 tasveer ki or ishara kiya, “waha likha hai na.”, tasveer me darshan do bachhon ke sath khada tha aur 1 bachhe ki likhawat me hi foto ke neeche sketch pen se teeno ke naam likhe the. Wo dono bachhe Dinesh aur Rakesh the.

“Ohh..”, Darshan ke hotho pe muskaan aa gayi.

“Main aapko dadda bula sakti hu na?”

“Haan, nurse ji.”

“Nurse ji nahi mera naam Nidhi hai.”

“Achha, Nidhi ji.”

“Nidhi ji nahi sirf Nidhi.”

“Achha,Nidhi.”,darshan hansta hua bahar chala gaya.

thodi der baad sumitra ji ke doctor dr.verma aa gaye.,”to yehi hain nayi nurse. Hello, nurse.”

“Hello, doctor.”

“Aao, main aapko patient ke bare me bata deta hu.”

“Chaliye,doctor.”

“…To Nidhi, chunki ye khud nahi move kar sakti to hume inhe move karna padta hai nahi to bedsore hone ka darr hai.din me har 2 ghante me inki position badal dena, haa raat me sote waqt iski zarurat nahi ..”, doctor Nidhi ko samjha rahe the, “ye hai sari dawayen aur unki dosage.ok.aur kuchh poochhna hai?”

“Nahi, doctor.”

“Very good.mera no. Surendra ji ke paas hai, koi problem ho to call me. Ab main chalta hu.”

“Bye, doctor.”

Safar se thaki Nidhi jab bistar pe leti to wo sochne lagi ki taqdeer bhi uske sath kya khel khle rahi hai.jab tak pati zinda tha tab tak wo sasural nahi ayi aur ab pati ki maut ke baad wo yaha rah rahi hai.apni kismat pe 1 pheeki hansi hans wo karwat badal neend me dub gayi.

Surendra Thakur ka bungla 2 manzil tha jiski upar ki manzil khali padi hui thi.neeche ki manzil me kadam rakhte hi 1 bada sa drawing cum dining hall tha, dining table ke peechhe lage sheeshe ke darwaze se ghar ke peechhe bana lawn nazar aata tha.

Hall se baye mud 1 chhota galiyara tha jiske shuru me hi kitchen tha.galiyara paar karne pe Surendra ji ka kamra tha aur uske sath wala kamra guest room Nidhi ko diya gaya tha. Hall se dahine mudne pe usi tarah ka galiyara tha jiske ant me 3 kamre the jisme se 1 Dinesh ka tha.

Surendra ji ke kamre ko kamra na kah ke hall kahe to behtar hoga.us hall ke 1 kone me Sumitra ji ka bed laga tha aur uske paas 1 mez aur 2 chairs rakhi thi.1 parde se hall ko 2 hisse me baanta gaya tha. Sumitra ji wala hissa kamre ki 1 chauthai jagah me tha,baki hisse me beecho beech 1 king size bed tha jiske bagal me 1 aaram kursi lagi thi. Us bed ki doosri or 1 wall cabinet tha jisme 1 tv, dvd player, music system aur kuchh sajawat ki cheeze rakhi thi.

Nidhi ko yaha aaye 15 din ho gaye the aur darshan se uski achhi banane lagi thi, “beti, wo pichhli nurse thi na, ya to phone pe lagi rahti thi ya filmi kitaaben padhti tehti thi, malkin ki dekh-bhal to jaise bas naam ke liye karti thi, isiliye jab tum aayi to maine socha ki tum bhi usi ke jaisi hogi.par main kitna galat tha.”

Nidhi kitchen me darshan ke sath lagi kuchh bana rahi thi.sumitra ji ko doctor ne 1 diet chart diya tha jise aaj tak sab log aankh munde follow karte chale a rahe the. Idhar wo bahut kam khan lagi thi aur Nidhi samajh gayi thi ki unhe roz wahi khana kha ke uktahat ho gayi hai so usne aaj unke liye kuchh alag banane ki sochi.

Wahan se aane ke baad jab Nidhi ka pehli baar apni saas se samna hua to unki aankho se aansoo jharne lage the par zuban vaise hi khamosh rahi.Nidhi ki bhi aankhe bhar aayi thi. Jab paas jaa ke unke sar pe hath ferte hue wo unke gale lagi tab ja ke unhe thoda sukun mila.

“Ye to taiyyar ho gaya, dadda. Main maa ji ko khilake aati hu, fir hum dono sath me khayenge.”

“Thik hai, bitiya.”

Dopahar ke 2:30 baj rahe the.Surendra ji roz 2 baje daftar se ghar lunch ke liye aate the.Nidhi jaanbujh kar is waqt apni saas ke kaamo me lagi rehti taki apne sasur se uska saamna na ho. Wo us ke sath aise pesh aate the jaise ki wo hai hi nahi.shayad hi kabhi wo us se baat karte the, agar zarurat padti to darshan ke zariye kehalwate.

Saas ko khilate hue Nidhi ke kano me dining area me ho rahi baatcheet ki aavaz aa rahi thi.

“Waah, Darshan aaj to sabzi badi achhi banayi hai.”

“Ye daad Nidhi beti ko dijiye, malik. Usi ne banayi hai.”

Us ke baad khamoshi chha gayi.

Thodi der baad Surendra ji kamre me dakhil hue, “Aaj tumne bhi khana banaya tha?”

“Ji.”, Nidhi ne 1 chmcha apni saas ke munh me diya.

“Tum sumitra ki nurse ho aur wahi raho to achha hai, uski bahu banane ki koshish nahi karo.”

Gusse se Nidhi ka chehra tamtama gaya par jab tak wo kuchh jawab deti uske sasur bahar chale gaye the.

Us’si raat Dinesh aaya.aate hi usne darshan ke pair chhue, “jeete raho, bhaiyya. Agar is baar bhi 2 dino ke liye aaye ho to kisi hotel me chale jao.”

“Nahi dadda, is baar to 20 dino ke liye aaya hu, par beech-2 me shahar se bahar jana padega.” , Dinesh hansa.

“Fir thik hai.”, darshan bhi hansta hua uska saman uthane laga.

Usi waqt Nidhi apne kamre se nikal hall me pahunchi to Dinesh ko dekh thithak gayi, “namaste.’

“Aao beti, yehi Dinesh bhaiyya hain, malik ke bade ladke…aur ye Nidhi beti hai, bhaiyya.malkin ki nayi nurse.”, darshan saman lekar uske kamre ko chala gaya. Dinesh ne sawaliya nigaho se Nidhi ko dekha.

“Kaisi ho, Nidhi?”

“Thik hu.”

“Hmm. pitaji kamre me hain?”

“Ji.”

Dinesh unse milne unke kamre ki or chal diya.thodi der baad Nidhi sumitra ji ki dawa le unke kamre me ja rahi thi ki darwaze ke bahar baap-bete ki baatchit sun uske kadam wahi ke wahi ruk gaye. Dono uske bare me baat kar rahe the.

“..To wo yah bas 1 nurse ki haisiyat se hai aur main chahta hu ki tum bhi use wahi samjho…”, Surendra ji ki bhari, gambhir aawaz sunai di.

“Aap aur aapki baaten chhupane ki aadat!”, uski hansi me apne pita ke liye apman tha.

“Dinesh!”

“Mujhe to lagta hai ki bechara Rakesh bhi aapki kisi chhupai hui baat ka hi to shikar nahi ho gaya.”

“Kya bakwas kar rahe ho?! Hosh me raho.”

“Hosh hi me hu. Aap chinta na karen, main aapka koi bhi raaz kahi nahi kholunga.”

Nidhi tezi se ghum apne kamre me chali gayi. Dinesh bhi apne pita ke kamre se nikal apne kamre me chala gaya.

Nidhi ke man me halchal mach gayi…kya uske sasur ka koi raaz tha? kya usi ki wajah se Rakesh ki maut hui? Aakhir aisa kyu kaha Dinesh ne?…Phir Surendra ji ne Rakesh ke gaban kiye hue 4 lakh rupaye itni aasani se kyu de diye?..Unhone Rakesh ki is harkat ka karan jaanane ki koshish kyu nahi ki?…Usne socha tha ki paise dene ke bawjood is mamle ki tehkikat karenge par bangalore se laut ke unhone is bare me kuchh nahi kiya tha.

Nidhi soch me pad gayi, use lag raha tha ki bas uthe aur apne sasur aur jeth ke samne sawalo ki jhadi laga de.par agar wo jawab dene ko taiyyar bhi ho gaye to wo us se sach bolenge is baat ki kya guarantee hai…koi dusra tareeka sochna hoga use.uska dimagh is ke liye tarkeeb dhundhne me laga gaya aur wo dawa le apni saas ke paas chali gayi.

“Chaliye na, dadda! Maa ji ka bhi dil bahal jayega. Fir isi colony ke park me to jana hai.”, Nidhi, Darshan se kah rahi thi,”..fir abhi 4 hi to baje hain.”

“Haa…waise to malik aur bhaiyya aur ke pehle ghar nahi aayenge.”

“Isiliye to keh rahi hu. Bas 1/2 ghante me aa jayenge.”

“Achha chalo.”

Nidhi darshan ko sumitra ji ko bagal ke park me sair karane le jane ke liye keh rahi thi.uska maanana tha ki bahar khule me ghum uski saas ko achha lagega, usne unke doctor se phone pe is bare me bhi poochh liya tha.

Darshan ki madad se usne unhe wheelchair me bithaya aur teeno ghar me tala laga park me chale gaye.jab laute to dekha ki Surendra ji ke ghar ke bahar khade hain. Darshan ne bhagte hue tala khola aur sab andar dakhil hue.Surendra ji ne abhi tak 1 lafz bhi nahi bola tha.

Sham ko jab darshan bazar gay to Surendra ji ne hall me Nidhi se kaha, “Maine tumhe pehle bhi kaha hai ki nurse hi raho, bahu banane ki koshish na karo. Aakhir kis haisiyat se tum sumitra ko bahar le gayi thi? Use kahin kuchh ho jata. Main saaf-2 kehe deta hu, apni aikaat mat bhulo. Samjhi! apni had..-”

“Bahut ho gaya! Jab se aayi hu tab se aapka ravaiyya dekh rahi hu.main maa ji ko doctor sahab ki ijazat se bahar le gayi thi…aakhir meri galti kya hai? Yehi na ki maine aapke bete se pyar kiya tha. To koi gunah kiya kya?”, Nidhi ke sabr ka bandh tut gaya.

“Haa, kiya tumne gunah. Tum nahi hoti to wo aaj yaha hota , zinda.”

“Aap galat kah rahe hain, mr.Thakur.yaad kijiye aapka beta aapke paas aya tha aapke sath rene ke liye. Par aapki zid ke chalte use jana pada. Agar uski maut ka koi zimmedar hai to wo hai aapki zid! Main anath hu, jitna main parivar ki ahmiyat samajhti hu,utna koi nahi samajh sakta,maine Rakesh ko baar-2 aapse sulah karne ko kaha tha par wo bhi aapki tarah ziddi tha.”, Nidhi apne dil ka pura gubar nikal dena chahti thi,”..main yaha kewal maa ji ke liye aayi thi.

Haa ye sach hai ki aap nahi aate to mujhe Rakesh ki galti ka khamiyaza bhugatna padta..uske liye main aapka shukriya ada karti hu.par mujhe ab is ghar me aur zaleel nahi hona hai.aap maa ji ke liye kisi dusri nurse ka intezam kar lijiye…jab wo aa jayegi to main yaha se chali jaoongi aur aapke dil ko bhi chain padega.”, Nidhi ka gala bhar aaya aur aankhe chhalchhala aayin to wo bhag ke apne kamre me chali gayi aur takiye me munh chhupa rone lagi.

Us raat usne khana bhi nahi khaya,darshan puchhne aya to usne tabiyat kharab hone ka bahana bana diya. Dusre din savere darwaze pe dastak hui to uski aankh khuli, usne darwaza khol to samne Surendra ji ko khada paya.

Wo andar aa gaye.thodi der tak 1 asahaj si khamoshi kamre me pasri rahi, fir Surendra ji ki wazandar aavaz ne use toda, “Nidhi..”

Pehli baar usne apne sasur ke munh se apna naam suna.

“Hume..hume maaf kar do.kal tumne jo bhi kaha wo bilkul sach tha.agar Rakesh ki maut ka koi zimmedar hai to wo main hu. Agar main zid na karta to shayad wo humare beech is ghar me hota. Insaan ka dil badi ajeeb cheez hai,Nidhi.galti meri thi par use maanane ke bajay mere dil ne tumhe gunahgaar bana diya aur tumse nafrat karne laga.”

Wo apni bahu ke samne khade ho gaye. “Agar kar sakti ho to mujhe maaf kar dena, Nidhi. Maine tumhare sath bahut zyadti ki hai