Nidhi Sex story-1

Hi mera naam aadii (arjun aka aashu) hai aur main 22saal ka hu…. lets get to the story without waisting any time…. ye story meri nahi hai … but mere ek frnd ki hai…. ye uska real life experience hai…. i have made a fex changes to make it a bit spicy..so lets get to the story……..!!!

Aaj Nidhi bahut khush thi aur hoti bhi kyu na-uski shadi ki pehli salgirah jo thi. Pichhle ek-dedh mahine se uska pati Rakesh kuchh ukhda-2 sa aur pareshan rah raha tha, par aaj savere office jane se pehle usne pehle ki tarah use bahon me bhar kar jam kar chuma aur pyar kiya tha aur jate-2 keh gaya tha ki office se aadhe din ki chhuti lekar aa jayega. Nidhi bhi use rijhane aur khush karne me koi kasar nahi chhodna chahti thi.

Bathroom me ghus usne sare kapde utare aur shower on kar uske neeche khadi ho gayi aur Rakesh se hui wo pehli mulakat yaad karne lagi. Lucknow ke jis hospital me wo nurse thi,Rakesh usme apni tooti taang ka ilaaj karane ke liye admit hua tha. Us din naya duty roster milne pe uske ward me aaj Nidhi ka pehla din tha. Rakesh waha kuchh dino pehle hi admit hua tha. Jab wo use dawa dekar aur uska chart check kar jane lagi to wo bola,”nurse.”
“ji?”

“main aapke hospital management ki chaal samajh gaya hu?”
“ji?”, Nidhi ne hairat bhari sawaliya nazro se use dekha. Ward ke baki patients, nurses aur staff bhi dono ki baat sunane lage the.

“ji haan. Aapka management bahut chalak hai. Usne jaan-bujh kar itni achhi nurses yaha rakhi hain ki patient ko aram talabi ki lat lag jaye aur wo thik hi na hona chahe, ya fir thik ho bhi jaye to yahi pada rahe aur aram ki zindagi jeeta rahe aur hospital jum ke paise kama sake.”
Uski baat sunte hi ward me sabhi ki hansi chhut gayi. Nidhi bhi muskura di aur ward se nikal gayi. Rakesh ki is baat pe kisi dusri nurse ne kuchh jawab diya aur ward me hansi-mazak ka silsila chal pada. Jaha sab dil khol kar hans rahe the wahi Nidhi bas muskurate hue waha se nikal aayi thi.

Nidhi ko shayad hi kabhi kisi ne khul kar hanste ya jam kar gappe ladate dekha ho. Lagta tha jaise wo khud ko rok leti thi apni bhavnayo ka khul kar izhar kar lene se.
Shayad iska karan ye tha ki wo ek anathashram me pali-badhi thi. Ek aam bachha jaise-2 bada hota hai to apne mata-pita se chizo ke liye zid karta hai, kabhi unse ruth jata hai to kabhi unki god me chadh unse dular karwata hai. par ek anath in sab chizo se mehrum rehta hai aur shayad isi karan wo apni chaah, apne ehsas apne dil me dabana sikh jata hai.

Nidhi anath thi. usne jab se hosh sambhala khud ko anathashram me paya. anathashram ki karta-dharta thi mausi. Mausi yani mrs.Shukla,pata nahi kab kisi bachhe ne unhe mausi kah diya tha. Uske baad to unka naam hi mausi pad gaya.
Mausi ka apna bhara-pura parivar tha par fir bhi wo anathashram ko pura waqt deti thi aur Nidhi ko to bahut manti thi. Nidhi jald se jald apne pairo pe khadi hona chahti thi so school khatm karte hi usne nursing me graduation kiya aur is hospital ko join kar liya. Par aaj bhi wo apne anathashram aur mausi ko nahi bhuli thi aur jab bhi mauka milta waha unse milne zarur jati.

Rakesh ke ward me duty lagi to roz us se mulakat hone lagi. Use Rakesh ek bada zindadil aur khushmijaz shakhs laga. Har waqt halki-fulki baaten ya fir koi mazak karta rehta par koi bhi baat tamiz ke dayre ke baahar nahi jaati. Isi karan sabhi use pasand karte the.us se milne aane wale uske dost bhi usi ke jaise the.
Nidhi ko ek baat thoda khatki. Hospital me marizo ke paas unka koi rishtedar zarur rehta tha par Rakesh ke paas koi nahi bas beech me 3-4 dino ke liye uska bada bhai Dinesh aaya tha par maa-baap kabhi nahi aaye. Koi aur nurse hoti to ab tak Rakesh ke dur ke rishtedaro ka bhi pata poochh chuki hoti par Nidhi apne kaam se kaam rakhti thi aur usne us se kabhi kuchh nahi poochha.

Haa, har din use uske ward jane me achha lagta tha. Wo ladka baatein hi aisi karta tha. Fir Nidhi ki 2 dino ki chhutti ho gayi. Jab wapas aayi to pata chala ki Rakesh discharge ho chuka hai. Us din use ward khali-2 sa laga. Isi tarah 4-5 din beet gaye. Hospital me mariz aate hain chale jate hain par pata nahi kyu Rakesh ka jana use achha nahi laga.
Us din shaam duty khatm kar jaise hi wo nikli ki kisi ne use awaz di,”nurse!”

Usne mud kar dekha to Rakesh khada tha. Itne dino tak usne use bed pe lete dekha tha, aaj pehli bar khade dekh rahio thi. Rakesh 6 ft ka lamba,handsome naujawan tha, umra yehi koi 23-24 saal hogi. Nidhi bhi 22 saal ki jawan ladki thi aur Rakesh ke mardana khubsurati ki dil hi dil me tareef kiye bina na reh saki.
“hi! nurse. kaisi hain?”

“hello. Main thik hu. Aapka pair ab kaisa hai?”
“bilkul thik. dr. sahab ne bulaya tha isiliye aya tha. Achha hua ap bhi mil gayi. Ek bahut zaruri kam tha.”

“achha. kaisa kaam?”
“aapko thank you kehna tha aur coffee pilani thi.”

“kya?!”, Nidhi hanse bina na reh saki.
“haan. jab discharge ho raha tha to maine sabhi doctors, nurses aur staff jinhone ne mera dhyan rakha tha, unhe thanks kaha tha aur coffe pilayi thi. aap aayi nahi thi to aapki coffee baki thi.”

Nidhi ko yaad aya, jab wapas aane pe usne Rakesh ke bare me poochha tha to baki nurses ne batayi thi ye coffee wali baat.
“are, Rakesh iski koi zarurat nahi.bekar me pareshan mat hoiye.”

“isme pareshani kya hai? coffe peeni hai kaun sa Everest pe chadhna hai.”

Nidhi ko fir hansi aa gayi.,” Wo thik hai par fir bhi rehne dijiye.”
“dekhiye nurse, main samajh raha hoon aap kyu jhijhak rahi hain. Mera yakin kijiye main bas aapko thanx dene ke liye ek cup coffee pilana chahta hu, bas. Wada karta hu na koi ulti-seedhi baat karunga na hi aisi-vaisi harkat! ye jo bagal wala cafe hai na waha bas ek cup coffee piyenge jisme 15 ya 20 minute lagenge bas. fir aap apne raste main apne raste.”

“are, aap mujhe galat samajh rahe hain? aapke bare me aisa kuchh nahi socha tha maine.”
“to fir chaliye.”

Nidhi use mana nahi kar payi,” ok. chaliye.”, aur dono cafe ki or badh gaye.
Cafe me baith ke Rakesh ne order kar diya.

“aap kya karte hain, Rakesh?”, Nidhi ne poochha.
“main S.N institute se MBA kar raha hu.”

“wah,wo to bada achha institute hai.aapki to life ban gayi!”
“kya life ban gayi, nurse! bas apne pairo pe khada ho jaoonga, apne kharche nikal loonga.”

“to aur kya chahiye ek insan ko?”

“nurse,kaam to wo ho jise insan dil se karna chahe.meri nazar me sachin tendulkar duniya ka sabse lucky insan hai.wo bachpan se cricket khelna chahta tha so khel raha hai. Kewal khel hi nahi raha balki shayad ab tak ka sabse mahan cricketer hai.aur sone pe suhaga ye ki is ke liye use karodo rupaye bhi milte hain. Insan ko to aisa hi kaam karna chahiye par sabki aisi kismat kaha hoti hai.”

“to tum kya banana chahte the?”
“fighter pilot.”

“to bane kyu nahi?”
“maa ke chalte.jaise hi use pata chala ki main NDA ka form bharne ja raha hu,usne order jari kar diya ki main sapne me bhi aisa nahi sochu. Usne kaha ki uska koi beta us se dur fauj me nahi jayega…maine use kaha ki maa Dinesh bhaiya to tumhare pas rahenge hi. Mujhe jane de air force me aur agar kahi jung me mar gaya to tu shaheed ki maa kehlyegi.”

“fir maa ne kya kaha?”
“usne khinch ke 1 thappad lagaya aur fir rote hue mujhe apne gale se laga ke pyar karne lagi. ye maayein bhi ajeeb hoti hain nurse, nirala hi hota hai inka bachchon ko pyar karne ka tareeka.”

यह कहानी आप HotSexStory.xyz में पढ़ रहें हैं।

Nidhi bas halke se muskura di.use kya pata tha maa ke pyar ke bare me. Waiter coffe rakha gaya to wo cup uthakar peene lagi., “tab to Rakesh jab tumhara fracture hua to wo bahut pareshan ho gayi hongi?”

“pata nahi, nurse.”

“kya matlab?”
“pichhle 2 saalon se maa bimar hai.uska dimagh dheere-2 kaam karna band kar raha hai.dimagh ka wo hissa jo insan ka chalna,bolna control karta hai wo to pura bekar ho chuka hai. Maa kewal apni palke jhapka pati hai aur kha pati hai, gardan aur uske neeche ka pure sharir ka 1 bhi ang na hila pati hai na unse wo koi kaam le pati hai…bas bed pe khamosh leti rahti hai,kyuki bol bhi nahi pati.”

“doctors kya kahte hain?”
“pitaji kaha-2 nahi daude maa ke ilaj ke liye par har doctor ne yehi kaha ki bimari lailaj hai.”

“oh.”
thodi der dono khamosh rahe fir Rakesh ne khamoshi todi,”..achha to nurse-ye lo. yaha hum sath me coffee pi rahe hain aur mujhe abhi tak aapka naam bhi nahi pata. Aapke naam kya hai, nurse?”

“mera naam Nidhi hai.”,Nidhi hans padi.
“achha to aapki maa kaisi hai?”

“pata nahi.main anath hu,Rakesh.”,aur Nidhi ne use apni puri kahani suna di.usne use mausi ke bare me bhi bataya aur Rakesh ne apne baki parivar ke bare me.
Uske pita Surendra Thakur 1 bahut oonche sarkari ohde pe the aur bade bhai Dinesh ne abhi calcutta me apni pehli naukri join ki thi.uska parivar Ramnagar naam ke shahar me rehta tha.
“achha Nidhi ji, aap kya banana chahti thi?”

“main…main singer banana chahti thi.”
“really!fir aapne kabhi koshish ki.”

“jis school me hum anathashram ke bachche padhte te the waha music bhi sikhaya jata tha to school tak to maine seekha lekin uske baad mujhe apne pairo pe khade hone ki jaldi thi aur music ke zariye wo sambhav nahi tha.”
“hmmm.”, Rakesh ne coffee khatm kar cup neeche rakha, “ye to badi achhi baat pata chali aapke bare me. Music ka mujhe bhi shauk hai khas kar indian classical ka.

Is sunday humare institute auditorium me Pt. Jasraj ka program hai. To aap sunday ko waha aayengi, mere sath program dekhengi aur main jo bhi music ke bare me sawal karoonga unka jawab dengi.”
“are nahi, Rakesh. main nahi aa sakti.”

“kyu?aap itna jhijhakti kyu hain?main aapko aawara lagta hu?”
“wo baat nahi hai, Rakesh.”

“to kya baat hai? sunday ko aapki chhutti hai, aapko music se itna lagav hai, fir kyu nahi aa sakti? ”
“Rakesh, bura mat mainye, please. par…main ticket -”

“-aree, koi ticket nahi, mere institute ka program hai. Mere paaas free passes hain. Ab to aayengi na?”

“thik hai, aaoongi.”

“ye hui na baat!”, Rakesh ne bill pay kiya aur dono cafe se bahar aa gaye.

“achha, Nidhi ji bye ek sunday ko 5 baje mere insti ke main gate pe main aapka intezar karunga.”

“thik hai, Rakesh. bye!”

Nidhi ko badi hairat hui ki kaise usne ek lagbhag ajnabi se insan ko apni kahani suna di aur uske sath agli mulakat ke liye bhi taiyyar ho gayi. wo us sunday Rakesh se mili aur fir dono aaye din milne lage, kabhi kisi concert to kabhi kisi exhibition me.

Nidhi ki saheliya to use Rakesh ke naam se chidhane lagi thi. uski room mate soni to humesha use chhedti rehti thi.

“aa gayi heroine apne hero se milke?”

“chup kar, soni. wo bas dost hai.”

“shuru me sab yehi kehte hain darling, fir kab dost jaan banjata hai pata hi nahi chalta!” usne bed pe baithi Nidhi ko peechhe se pakad kar shararat se kaha.

“achha! tujhe bada pata hai in baato ke bare me. Tera ‘dost’ kaun hai bhai?”

“humari aisi kismat kahan!”,usne bade naatkiya andaz me kaha to dono saheliya hans padi.

HotSexStory.xyz में कहानी पढ़ने के लिये आपका धन्यवाद, हमारी कोशिश है की हम आपको बेहतर कंटेंट देते रहे!